فرمان الہی
نماز کے اوقات
پاکستان تحریکِ انصاف کے چیف، عمران خان کی جانب سے گزشتہ روز کی گئی نیوز کانفرنس کے دوران پی ٹی آئی رہنما مراد سعید کی غیر معمولی حرکات و پھٹی نگاہیں سوشل میڈیا پر زیرِ بحث ہیں۔
گزشتہ روز عمران خان اپنی ٹیم کے کھلاڑی شہباز گِل سے ملنے پمز اسپتال پہنچے جہاں پولیس نے اِنہیں شہباز گِل سے ملاقات کی اجازت ہی نہ دی۔
غصے سے بپھرے عمران خان کی جانب سے اسپتال کے باہر ہی نیوز کانفرنس کی گئی۔
اس دوران سب چھوڑ کر میڈیا و سوشل میڈیا صارفین کی توجہ کا مرکز مراد سعید کی پھٹی نگاہیں بنی رہیں۔
عمران خان کی نیوز کانفرنس سے قبل کبھی مائیک خود چیک کرتے تو کبھی آس پاس شکی نگاہوں سے گھورتے مراد سعید کا یہ کلپ سوشل میڈیا پر خوب وائرل ہے جس پر انٹرنیٹ صارفین دلچسپ تبصرے کر رہے ہیں۔
انٹرنیٹ صارفین کا اس ویڈیو کلپ سے متعلق کہنا ہے کہ مراد سعید شاید عمران خان کی سیکیورٹی سے متعلق فکر مند ہیں؟
ایک صارف کا لکھنا تھا کہ ہمیں سی سی ٹی وی کیمرے کی ضرورت ہی نہیں ہے جب ہمارے پاس مراد سعید ہے۔
چند انٹرنیٹ صارفین نے اس ویڈیو کلپ کو ری ٹوئٹ کرتے ہوئے حیرانی کا اظہار کیا اور پوچھا کہ ’اس کو آخر ہو کیا رہا ہے‘۔
ایک صارف نے تو مراد سعید کو عمران خان کا ایس ایس جی کمانڈو قرار دے دیا۔
