انٹرنیٹ آف تھنگز کا بلڈنگ آٹومیشن میں استعمال

دنیا کی آبادی میں اضافہ ہورہا ہے، ساتھ ہی اس کا ایک بڑا حصہ شہروں میں منتقل ہو رہا ہے۔ عالمی آبادی اور شہرکاری میں ان رجحانات کا براہ راست نتیجہ تعمیرات کی بڑھتی ہوئی مانگ ہے۔ شہروں میں زیادہ لوگ (اور عام طور پر زیادہ لوگ) کا مطلب ہے زیادہ گھر، کام کی جگہیں، سڑکیں، اسکول، ہسپتال وغیرہ۔ تعمیراتی صنعت پہلے ہی دنیا کی مجموعی جی ڈی پی کا 13 فیصد سے زیادہ حصہ رکھتی ہے اور دنیا کے کاربن ڈائی آکسائیڈ کے اخراج میں اسی تناسب میں حصہ ڈالتی ہے۔ اس کا مطلب یہ ہے کہ مجموعی طور پر تعمیرات کو زیادہ مؤثر بنانے کا عالمی معیشت اور زمین کی ماحولیاتی صحت دونوں پر بڑا اور براہ راست اثر پڑتا ہے۔

یہی وہ جگہ ہے جہاں انٹرنیٹ آف تھنگز یا صنعتی انٹرنیٹ آف تھنگز آ سکتا ہے۔ تعمیراتی شعبہ عام طور پر قدامت پسند ہے اور نئی ٹیکنالوجیز کو اپنانے میں سست ہے۔ تعمیرات کی بڑھتی ہوئی طلب کے ساتھ ساتھ دباؤ اور فضلہ کو کم کرنے کی ماحولیاتی ضرورت کا مطلب ہے کہ پروجیکٹ منیجرز کو تعمیر کے مزید موثر طریقے تلاش کرتے رہنا ہوں گے۔ یہی وجہ ہے کہ وہ مدد کے لیے انٹرنیٹ آف تھنگز (IoT)، آٹومیشن اور مصنوعی ذہانت (AI) کا رخ کر رہے ہیں۔

انٹرنیٹ آف تھنگز (IoT) ٹیکنالوجی کا ایک تصور ہے، جو ’اسمارٹ‘ فعالیت (کمپیوٹر پروسیسنگ اور وائرلیس کنیکٹیویٹی) کو آبجیکٹس میں رکھتا ہے تاکہ مشینیں ان کی نگرانی کرسکیں اور ان کو جان سکیں۔ انٹرنیٹ آف تھنگز تعمیرات میں آٹومیشن کو فعال بناتا اور منصوبوں کو زیادہ مؤثر، بہتر انتظام اور کم ویسٹ کے قابل بناتا ہے۔ انٹرنیٹ آف تھنگز کے ساتھ ڈویلپر اپنے تمام اثاثوں (آلات، مواد اور افرادی قوت) کو ایک مرکزی سرور کے ساتھ ہم آہنگ کر سکتے ہیں، جو رئیل ٹائم میں تمام تعمیراتی سرگرمیوں کی نگرانی اور انتظام کر سکتا ہے۔ یہ منصوبوں، پروگراموں اور یہاں تک کہ پوری فرم کے متحرک اثاثوں کا عالمی تناظر فراہم کرتا ہے۔

ان ضروریات کو پورا کرنے کے لیے ایک نیا تعمیراتی ٹیکنالوجی شعبہ اُبھر رہا ہے۔ای ایس ٹریک، پلر ٹیکنالوجیز اور ٹرمبل جیسی دیگر کمپنیاں آج تعمیراتی شعبے کے لیے مخصوص انٹرنیٹ آف تھنگز ٹیکنالوجی تیار کر رہی ہیں۔ عالمی کاروباری خدمات کارپوریشن کے ایک حالیہ سروے میں پتا چلا ہے کہ 95فیصد تعمیراتی فرموں کو توقع ہے کہ انٹرنیٹ آف تھنگز اور اس جیسی نئی ٹیکنالوجیز اگلے چند سالوں میں ان کی صنعت کو نمایاں طور پر تبدیل کر دیں گی۔ 

اسی سروے میں، تقریباً تین چوتھائی تعمیراتی کاروبار نے کہا کہ انٹرنیٹ آف تھنگز جیسی نئی ٹیکنالوجی کو اپنانا ان کی آگے کی حکمت عملی کا ایک اہم حصہ ہے۔ ایک اور سروے، جو حریف کاروباری خدمات کی فرم کے ذریعے کرایا گیا، میں پایا گیا کہ تقریباً تمام صنعتی کمپنیاں اور تنظیمیں (98فیصد) یقین رکھتی ہیں کہ ڈیجیٹل حل جو انٹرنیٹ آف تھنگز پر انحصار کرتا ہے، اپنانے والوں کے لیے کارکردگی میں 12 فیصد اضافہ فراہم کر سکتا ہے۔ تعمیرات اس سے مستثنیٰ نہیں ہوسکتیں اور کچھ تجزیہ کاروں نے پیش گوئی کی ہے کہ جو فرمز جلد ہی نئی ٹیکنالوجیز نہیں اپنائیں گی، وہ پیچھے رہ جائیں گی۔

IoT کا بلڈنگ آٹومیشن کو قابل بنانا 

انٹرنیٹ آف تھنگز اور آٹومیشن ساتھ ساتھ چلتے ہیں۔ آٹومیشن کو بڑے ڈیٹا سیٹس کی ضرورت ہے، جو صرف انٹرنیٹ آف تھنگز فراہم کرنے کے قابل ہے۔ تعمیر میں انٹرنیٹ آف تھنگز کی ایک اہم خصوصیت بلڈنگ انفارمیشن ماڈلنگ (BIM) ٹیکنالوجی ہے۔ BIM کے عمل پوری عمارت کے منصوبوں کے لیے ایک ڈیجیٹل ٹوئن بناتے ہیں۔ ایک BIM ماڈل کو کمپیوٹر ایڈیڈ ڈیزائن (CAD) منصوبوں کا ایک قسم کا 4D یا یہاں تک کہ 5D ورژن سمجھا جا سکتا ہے۔ اضافی جہتوں میں سے ایک ’وقت‘ ہے، جس میں BIM ماڈلز دکھا رہے ہیں کہ تعمیراتی منصوبہ کس طرح تعمیر ہوگا اور اس کی سروس لائف کیسے آگے بڑھے گی۔ دوسری اضافی جہت معلومات ہے، کیونکہ BIM ماڈلز میں ڈیٹا شامل ہوتا ہے جیسے بوجھ کے دباؤ، خرابی اور دیکھ بھال کے عمل، یا مختلف اسٹیک ہولڈرز کی ضروریات۔

انٹرنیٹ آف تھنگز کے ساتھ، یہ تمام ڈیٹا لائیو بھی ہو سکتا ہے۔ اس کا مطلب ہے کہ BIM ماڈل ایک متحرک ڈیجیٹل ٹوئن ہے، جو حقیقی دنیا میں ہونے والی تبدیلیوں کی عکاسی کرنے کے لیے خود بخود تبدیل ہو رہا ہے۔ حقیقی دنیا کے ڈیٹا کا بہاؤ جو IoT فراہم کرتا ہے تمام اسٹیک ہولڈرز کو اس قابل بناتا ہے کہ وہ تعمیراتی پراجیکٹس کو (اور عمارتوں کو ان کی سروس لائف میں بھی) ہر ممکن حد تک مؤثر طریقے سے منیج کریں، جس سے انسان کے ذاتی معائنہ کی ضرورت کم ہوگی اور آرٹیفیشل انٹیلی جنس سے غلطیوں کا قبل از وقت معلوم ہوجائے گا۔

تعمیراتی عمل، آلات اور افرادی قوت میں، IoT پراجیکٹ منیجرز کی کارکردگی کو زیادہ سے زیادہ کرنے میں بھی مدد کر رہا ہے۔ لاجسٹکس میں پہلے سے بڑے پیمانے پر استعمال ہونے والے IoT سلوشنز تعمیراتی فرموں کو اپنے اثاثوں کا مسلسل ٹریک رکھنے میں مدد کرتے ہیں۔ انٹرنیٹ آف تھنگز مزدوروں کی حفاظت کو بہتر بنانے میں بھی مدد کر سکتا ہے۔ تعمیراتی کارکن جو حفاظتی آلات استعمال کرتے ہیں (IoT ڈیوائسز جو پہنتے ہیں) ان کی اہم علامات کے ساتھ ساتھ ان کے فوری کام کرنے والے ماحول کی خود بخود نگرانی کی جاتی ہے۔ یہ نظام خود کار طریقے سے مزدوروں کو زیادہ گرمی اور تھکاوٹ سمیت خطرات سے آگاہ کرتے ہوئے محفوظ رکھتے ہیں۔