فرمان الہی
نماز کے اوقات
امریکی صدر ڈونلڈ ٹرمپ نے بھارت پر مزید ٹیرف لگانے کی دھمکی دے دی۔
سوشل میڈیا پر ایک بیان میں امریکی صدر نے کہا کہ بھارت نہ صرف بڑی مقدار میں روسی تیل خرید رہا ہے بلکہ اسے اوپن مارکیٹ میں فروخت کرکے منافع بھی کما رہا ہے۔
امریکی صدر کا مزید کہنا تھا کہ بھارت کو کوئی پرواہ نہیں کہ یوکرین میں روسی جنگی مشین کتنے لوگوں کو مار رہی ہے۔
صدر ٹرمپ کا کہنا تھا کہ اسی وجہ سے اب بھارت پر ٹیرف میں اور بھی اضافہ کروں گا۔
یاد رہے کہ گذشتہ ماہ مے آخر میں امریکی صدر ڈونلڈ ٹرمپ کا بھارت پر 25 فیصد ٹیرف کا اعلان کیا تھا۔
امریکی صدر کا کہنا تھا کہ بھارت کو روس سے مسلسل فوجی سازو سامان اورتیل خریداری پر جرمانہ بھی دینا ہوگا، یہ ٹیرف یکم اگست سے نافذ ہوگا۔
ڈونلڈ ٹرمپ نے بھارتی معیشت کو مردہ معیشت قرار دیا تھا۔
دوسری جانب انہوں نے پاکستان کے ساتھ تیل کی تلاش کے مشترکہ منصوبے شروع کرنے کا اعلان کرتے ہوئے بھارت کو یہ ملفوف طعنہ بھی دیا تھا کہ جلد پاکستان، بھارت کو تیل برآمد کیا کرے گا۔
بھارتی حکومت نے ردعمل دیتے ہوئے کہا تھا کہ ٹرمپ کے اعلان سے ہونے والے مضمرات کا جائزہ لے رہے ہیں، امریکا کے ساتھ منصفانہ تجارتی معاہدہ کرنے کیلئے پُرعزم ہیں۔
بھارتی حکومت کی جانب سے کہا گیا کہ امریکا اور بھارت گزشتہ چند ماہ سے منصفانہ، متوازن اور باہمی مفاد کے تجارتی معاہدے پر دو طرفہ بات چیت کر رہے ہیں، تجارتی بات چیت کے مقاصد حاصل کرنے کا ہمارا عزم برقرار ہے۔
