فرمان الہی
نماز کے اوقات
اینٹی نارکوٹکس فورس کے عملے نے لاہور اور سیالکوٹ میں نجی کوریئر آفسز میں لندن کے لیے بُک کرائے گئے پارسل سے ہیروئن برآمد کی ہے۔
ترجمان اے این ایف کے مطابق ملک بھر میں منشیات کے خلاف کارروائیوں کا سلسلہ جاری ہے۔
اس سلسلے میں نارمل پریکٹس کے دوران لاہور اور سیالکوٹ میں واقع نجی کوریئر آفسز میں مختلف افراد کی جانب سے لندن کیلئے بُک کیے گئے پارسلز کی چھان بین کے دوران ہیروئن برآمد ہوئی۔
ایک پارسل سے مجموعی طور پر 570 گرام اور دوسرے سے 360 گرام ہیروئن برآمد ہوئی ہے۔
ترجمان کے مطابق ایک اور کارروائی کے دوران بلوچستان کے شہر تُربت میں کارروائی کرتے ہوئے ایک گاڑی سے 22 کلو گرام آئس برآمد کی گئی، منشیات تیل کے ڈراموں میں چھپائی گئی تھی۔
اس سلسلے میں تُربت کے رہائشی جعفر نامی ملزم کو گرفتار کیا گیا ہے، ملزم کے خلاف انسدادِ منشیات ایکٹ کے تحت مقدمہ درج کر کے تحقیقات کا آغاز کر دیا گیا ہے۔
