فرمان الہی
نماز کے اوقات
کیلے اور دیگر کھانے کی چیزوں کے شوقین بندر تو آپ نے دیکھے ہی ہوں گے لیکن اب بھارت میں شراب کا عادی بندر بھی منظر عام پر آگیا ہے۔
بھارتی میڈیا کے مطابق ریاست اتر پردیش میں بندر کی شراب کی دکان میں لوٹ مار کی ویڈیو بھی منظر عام پر آگئی ہے۔
بھارتی میڈیا کا کہنا ہے کہ کچھ لوگوں نے بندر پر الزام عائد کیا ہے کہ اس نے انکی شراب کی بوتلیں بھی چرائی ہیں۔
رپورٹس کے مطابق ایک دکاندار کا کہنا ہے کہ چوری کرنے پر بندر کو پکڑنے کی کوشش کی جائے تو وہ کاٹ بھی لیتا ہے۔
بھارتی میڈیا کے مطابق ڈسٹرکٹ ایکسائز کا کہنا ہے کہ محکمہ جنگلات کی مدد سے اس بندر کو پکڑنے کی کوششیں کی جا رہی ہیں، جلد ہی اس پریشان کرنے والے بندر کو پکڑ لیا جائے گا۔
