شاہین شاہ آفریدی کے معاملے پر انکوائری ہونی چاہیے، عاقب جاوید

ہیڈ کوچ لاہور قلندرز عاقب جاوید کا کہنا ہے کہ شاہین شاہ آفریدی ورلڈ کپ سے زیادہ اہم ہے۔

جیو نیوز کے پروگرام جیو پاکستان میں گفتگو کرتے ہوئےعاقب جاوید نے کہا کہ شاہین شاہ آفریدی کے معاملے پر انکوائری ہونی چاہیے۔

سابق فاسٹ بولر عاقب جاوید کا کہنا ہے کہ شاہین آفریدی جیسے بولرز روز روز پیدا نہیں ہوتے۔

شاہین آفریدی پر 100 ورلڈکپ قربان، انجری پر مداحوں کا ردعمل

ایک اور صارف نے شاہین شاہ آفریدی کی تصویر شیئر کرتے ہوئے لکھا کہ یہ ٹرننگ پوائنٹ تھا، آپ ناقابل یقین ہیں ، بہت جلد صحت یاب ہوں گے۔

اس موقع پر سابق کپتان معین خان نے کہا کہ قومی ٹی ٹوئنٹی ٹیم میں مڈل آرڈر میں کوئی مستند بیٹر نہیں ہے۔

معین خان کا کہنا ہے کہ دنیا کی دیگر ٹیمیں پاور پلے میں زیادہ اسکور کرتی ہیں، سلیکشن کمیٹی کو پی ایس ایل سے کئی نئے کھلاڑی ملیں گے۔

واضح رہے کہ ٹی ٹوئنٹی کرکٹ ورلڈکپ کے فائنل میں پاکستان کو انگلینڈ کے ہاتھوں شکست کا سامنا کرنا پڑا تھا، میچ کے دوران شاہین شاہ آفریدی ان فٹ ہوگئے تھے۔