عمران خان کو پارٹی چیئرمین رہنے کا حق نہیں، کنور دلشاد

سابق سیکریٹری الیکشن کمیشن کنور دلشاد کا کہنا ہے کہ الیکشن کمیشن نے عمران خان کو نااہل قرار دیا، انہیں پارٹی چیئرمین رہنے کا حق نہیں۔

ایک بیان میں کنور دلشاد نے کہا کہ نواز شریف کو بھی نااہلی کے بعد پارٹی سربراہی سے بھی نااہل قرار دیا گیا تھا۔

انہوں نے کہا کہ کیس میں عمران خان کی نااہلی کا خطرہ ہے، اگر وکلاء صحیح دلائل دیں تو ممکن ہے کہ معاملہ ختم ہو جائے۔

عمران قصور وار پائے گئے تو الیکشن کمیشن انہیں نااہل قرار دے سکتا ہے، کنور دلشاد

جیو نیوز سے گفتگو کرتے ہوئے کنور دلشاد نے کہا کہ عمران خان کے خلاف ریفرنس اسپیکر کی جانب سے بھیجا گیا تھا۔

کنور دلشاد کا کہنا ہے کہ الیکشن کمیشن نے سپریم کورٹ کے فیصلے کو دیکھ کرہی رائے دینی ہے۔

ان کا یہ بھی کہنا ہے کہ قوانین کے مطابق جو شخص قومی اسمبلی کا ممبر بننے کا اہل نہ ہو پارٹی سربراہ بھی نہیں بن سکتا۔