• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صاف اردو بولتےجاپانی سفارتکار کی کراچی کے حوالے سے گفتگو

عرفان صدیقی ، ٹوکیو
تازہ ترین
خاص رپورٹ
10 دسمبر ، 2022


پاکستان میں تعینات رہنے والے سینئر جاپانی سفارتکار کاتسونوری اشیدا نے کہا ہے کہ دونوں ملکوں کے تعلقات بہترین ہیں جس میں وقت کے ساتھ مزید اضافہ ہوگا۔

سینئر جاپانی سفارتکار نے جنگ اور جیو نیوز سے گفتگو کرتے ہوئے کہا کہ پاکستانی کھانے ذائقے میں بھارتی کھانوں سے کافی بہتر ہیں۔

جاپانی سفارتکار نے کہا کہ اپنی ملازمت کے 12 سال پاکستان میں گزارے ہیں، اسلام آباد، لاہور اور کراچی بہت پسند ہیں جبکہ پاکستانی موسیقی بھی بہت پسند ہے۔

انہوں نے کہا کہ کراچی بہت اچھا شہر ہے یہاں فیملی کے ساتھ رہائش رکھی جاسکتی ہے تاہم جتنا بڑا کراچی شہر ہے یعنی آبادی کے لحاض سے ٹوکیو سے بھی بڑا شہر سمجھا جاتا ہے یہاں ترقی اس طرح سے نہیں ہورہی جس طرح ہونی چاہیے۔

جاپانی سفارتکار نے کہا کہ کہا جاتا ہے کہ کراچی ملک کے ٹیکس کا 70 فیصد ادا کرتا ہے لیکن یہاں وسائل اس طرح خرچ نہیں ہورہے شاید کراچی اور صوبائی حکومت میں تعاون کم ہے اور صوبائی اور وفاقی سطع پر بھی کراچی کو وہ اہمیت حاصل نہیں رہی جس طرح لاہور کو حاصل رہی ہے یہی وجہ ہے کہ لاہور کافی بہتر حالت میں ہے۔

 پاکستانی میوزک کے حوالے سے کاتسونوری اشیدا نے کہا کہ پاکستانی میوزک بہت پسند ہے اور وہ اکثر لال میری رکھیو بھلا جھولے لال سمیت دل دل پاکستان جیسے سدا بہار نغمے گنگناتے رہتے ہیں جبکہ پاکستان میں ان کے بہت سارے دوستوں میں سے ذوہیب حسن بھی ان کے قریبی دوست ہیں جن سے اکثر ملاقات ہوا کرتی تھی اور دونوں پاکستانی نغمیں گنگنایا کرتے تھے۔

ایک سوال کے جواب میں جاپانی سفارتکار نے کہا کہ پاکستان میں حالات اب ماضی کے مقابلے میں کافی بہتر ہیں اور جاپانی شہری پاکستان کے وہ علاقے جہاں امن و امان ہے باآسانی سیاحت کے لیے جاسکتے ہیں۔

جاپانی سفارتکار نے کہا کہ 12 سال پاکستان میں گزارے ہیں اگر حکومت کی جانب سے دوبارہ پاکستان میں ذمہ داری دی گئی تو وہ شوق سے پاکستان جائیں گے۔

واضح رہے کہ بہترین اردو بولنے اور گانوں میں مہارت کے حوالے سے پاکستان میں کافی شہرت رکھنے والے سینئر جاپانی سفارتکار کاتسونوری اشیدا اپنی مدت ملازمت مکمل کر کے جاپان واپس آچکے ہیں۔ 

خاص رپورٹ سے مزید