آئی ایم ایف پروگرام کی ممکنہ شروعات خوش آئند ہیں: پی بی سی

پاکستان بزنس کونسل (پی بی سی) کا کہنا ہے کہ آئی ایم ایف کی ٹیم کی فوری آمد اور پروگرام کی ممکنہ شروعات خوش آئند ہیں۔

پاکستان بزنس کونسل کی جانب سے جاری کیے گئے اعلامیے میں کہا گیا ہے کہ ہمیں آئی ایم ایف کے پروگرام کا دورانیہ اور حجم بڑھانے پر بات کرنی چاہیے۔

اعلامیے میں کہا گیا ہے کہ آئی ایم ایف کا موجودہ پروگرام ناکافی ہے، ٹیکس بیس بڑھائیں، توانائی کے شعبےمیں اصلاحات کریں، حکومتی اداروں کی ری اسٹرکچرنگ اور نج کاری کی جائے۔

پاکستان بزنس کونسل کے اعلامیے میں زور دیا گیا ہے کہ این ایف سی کو دوبارہ مرتب کرنا چاہیے، برآمدات بڑھانے اسے دنیا کے مختلف علاقوں تک پھیلانا چاہیے۔

اعلامیے میں پاکستان بزنس کونسل نے کہا ہے کہ توانائی اور خوراک کی خود انحصاری بڑھائیں، کاروبار بڑھانے کے لیے سول سروس کو آسان، کم لاگت اور تیز بنائیں۔

آئی ایم ایف سے اسی ماہ معاہدہ ہوجائے گا، شہباز شریف

اسلام آباد میں تقریب سے خطاب میں وزیر اعظم شہباز شریف نے کہا کہ امپورٹ میں کس کوفوقیت ہونی چاہیے ہم نے اس کی فہرست بنائی ہے۔

پاکستان بزنس کونسل کی جانب سے مزید کہا گیا ہے کہ ہمیں اپنے قرض کی پروفائل کے لیے ماہرین کی رائے لینی چاہیے۔

اعلامیے میں پاکستان بزنس کونسل کا یہ بھی کہنا ہے کہ سب سے اہم اصلاحات پر ہمیں کراس پارٹی معاہدہ کرنا چاہیے۔