سعودی وزیر خارجہ سرکاری دورے پر عراق پہنچ گئے

ریاض (شاہدنعیم ) عراقی وزارت خارجہ کے ترجمان احمد الصحاف کے مطابق سعودی عرب کے وزیر خارجہ شہزادہ فیصل بن فرحان جمعرات کے روز سرکاری دورے پر عراق پہنچے ہیں۔ اپنے دورہ عراق میں سعودی عرب کے اعلیٰ ترین سفارت کار عراقی صدر عبداللطیف جمال رشید اور وزیر اعظم محمد شیاع السودانی، پارلیمنٹ کے اسپیکر محمد الحلبوسی اور وزیر خارجہ فؤاد حسین سے ملاقاتیں کریں گے۔سعودی وزیر خارجہ کی عراق آمد کا مقصد دونوں ملکوں کے درمیان اسٹرٹیجک تعلقات کو مضبوط بنانا ہے۔