فرمان الہی
نماز کے اوقات
کراچی (اسٹاف رپورٹر) کیپ ٹاؤن میں بھارت کے ہاتھوں ٹی ٹوئنٹی ورلڈ کپ میچ میں پاکستانی خواتین کرکٹ ٹیم کی شکست کے بعد دونوں ٹیموں کی کھلاڑیوں نے ایک دوسرے سے خوشگوار ماحول میں ملاقات کی اور گھل مل گئیں۔ پی سی بی کا کہنا ہے کہ پاکستان اور بھارت کرکٹ ٹیموں کے کھلاڑیوں کی میچ کے بعد ایک دوسرے سے ملاقات کی۔دونوں ٹیموں کی کھلاڑیوں نے ایک دوسرے کے کھیل کی تعریف کی۔پاکستان ٹیم کی نائب کپتان ندا ڈار نے اپنی شرٹ بھارتی کپتان ہرمنپریت کور کو دی جبکہ بھارتی کپتان ہرمنپریت کور نے بھی اپنی شرٹ ندا ڈار کو پیش کی۔ پیر کو نیو لینڈز میں ہونے والا پریکٹس سیشن منسوخ ہوگیا۔ پاکستان ٹیم منگل صبح ویسٹرن پروونس میں پریکٹس سیشن میں حصہ لے گی۔پاکستان ٹیم ٹی ٹونٹی ورلڈ کپ میں اپنا دوسرا میچ آئرلینڈ کے خلاف 15 فروری کو نیولینڈز میں کھیلے گی۔میچ پاکستانی وقت کے مطابق رات دس بجے کھیلا جائے گا۔
