• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان نے خواتین اور کارکنوں کو ڈھال بنایا، پی ڈی ایم

آج کا اخبار
اہم خبریں
06 مارچ ، 2023
اسلام آ باد(نیوز ایجنسی) پاکستان ڈیموکریٹک موومنٹ (پی ڈی ایم) کے ترجمان حافظ حمد اللہ نے کہا ہے کہ عمران خان نے گرفتاری سے بچنے کیلئے خواتین اور کارکنوں کو ڈھال بنایا ہے۔عمران خان کی ممکنہ گرفتاری پر ردعمل دیتے ہوئے حافظ حمد نے کہا کہ جیل بھرو تحریک کے روح رواں اور امریکہ کو للکارنے والا مرد مجاہد عدالت حاضر ہو، اگر دامن صاف ہے، گھڑی چور نہیں ہو تو خود کو قانون کے حوالے کرو۔انہوں نے کہا کہ قانون پر عملداری کا بھاشن دینے والا قانون سے بھاگ رہا ہے، زمان پارک بنکر میں چھپنے سے تم نیلسن منڈیلا نہیں بلکہ ایک بزدل اور ڈرپوک لیڈر ثابت ہوئے، اگر یہ بدمعاشی اور غنڈہ گردی ایک عام آدمی کرتا تو اس کو گھسیٹ کر گرفتار کیا جاتا۔حافظ حمد نے کہا کہ عمران خان کہاں ہے آپ کا ایک پاکستان اور ایک قانون کا دعویٰ؟، آپ کا یہ کردار قانون سے کھلی بغاوت اور فساد ہے، پی ٹی آئی کے ٹائیگر کس بنیاد پر کہتے ہیں کہ خان بہادر ہیں؟، آج انقلابی خان نے بزدلی کی ایک تاریخ رقم کی ہے۔
اہم خبریں سے مزید