بد فعلی کے بعد ذہنی معذور بچے کو قتل کرنیوالے دو ملزمان گرفتار

کراچی (اسٹاف رپورٹر)زمان ٹاؤن پولیس نے ذہنی معذور بچے کے ساتھ بدفعلی کرنے کے بعد قتل کر کے لاش کو کار میں چھپانے والے دو ملزمان کو گرفتار کرنے کا دعویٰ کیا ہے۔پولیس کے مطابق 10 مارچ کو زمان ٹاؤن کے علاقے میں کار سے ایک بچے کی لاش ملی تھی جس کی شناخت 10 سالہ حسین ولد میزان کے نام سے ہوئی تھی ۔ پولیس کے مطابق بچہ ذپنی معذور تھا اور میڈیکل رپورٹس میں بچے کے ساتھ بد فعلی کی تصدیق ہوئی تھی،بچے کو بدفعلی کا نشانہ بنانے کے بعدقتل کیا گیا۔پولیس نے واقعہ کی تفتیش کے دوران دو ملزمان حمزہ اور شہریار کو شامل تفتیش کیا تو انہوں نے بچے کے ساتھ بدفعلی اور اسے قتل کرنے کا اعتراف کرلیا ۔ ملزمان نے بتایا کہ بچہ انکے ساتھ مانوس تھا اور اسکا فائدہ اٹھاتے ہوئے انہوں نے یہ عمل کیا۔ پولیس نے ملزمان کو گرفتار کر کے انکے ڈی این اے کے نمونے بھی حاصل کرلیے ہیں ۔