عثمان بزدار کی نیب میں آج پیش ہونے سے معذرت

سابق وزیرِ اعلیٰ پنجاب عثمان بزدار نے نیب میں آج پیش ہونے سے معذرت کر لی۔

عثمان بزدار نے نیب میں تحریری جواب جمع کرا دیا۔

سابق وزیرِ اعلیٰ پنجاب نے کہا ہے کہ ڈی جی خان میں مصروف ہوں، اس لیے آج پیش نہیں ہو سکتا۔

نیب نے پھر عثمان بزدار کو طلب کر لیا

نیب لاہور نے سابق وزیرِ اعلیٰ پنجاب عثمان بزدار کو طلب کر لیا، جس کا نوٹس بھی جاری کر دیا۔

عثمان بزدار کا کہنا ہے کہ آئندہ ہفتے کسی بھی وقت نیب آفس پیش ہو جاؤں گا۔

واضح رہے کہ نیب نے عثمان بزدار کو آج آمدن سے زائد اثاثہ جات کیس میں طلب کر رکھا تھا۔