محمد خان بھٹی کو سڑک تعمیر کیس سے ڈسچارج کردیا گیا

پرویز الہٰی کے سابق پرنسپل سیکریٹری محمد خان بھٹی کو سڑک تعمیر کیس سے عدالت نے ڈسچارج کر دیا۔

سول کورٹ گوجرانوالہ کے سینئر جج مسرور عاشق نے محمد خان بھٹی کے کیس کا فیصلہ سُنایا۔

واضح رہے کہ محمد خان بھٹی کو گزشتہ روز لاہور سے راہداری ریمانڈ پر گوجرانوالہ منتقل کیا گیا تھا۔

محمد خان بھٹی کے خلاف مقدمہ تھانہ اینٹی کرپشن گوجرانوالہ میں درج کیا گیا تھا۔

سابق وزیرِ اعلیٰ پنجاب چوہدری پرویز الہٰی کے دور حکومت میں سڑک تعمیر کیے بغیر کروڑوں روپے کی ادائیگی پر مقدمہ درج کیا گیا تھا۔