فرمان الہی
نماز کے اوقات
پاکستان مسلم لیگ ن کی سینئر نائب صدر، آرگنائزر مریم نواز کی اپنے بھتیجے کے ہمراہ مدینہ منورہ سے تصویر سوشل میڈیا پر وائرل ہو گئی۔
شاہی دعوت پر شاہی پروٹوکول میں سعودی عرب میں موجود شریف خاندان آج کل عبادتوں میں مشغول ہے۔
میاں محمد نواز شریف اور مریم نواز سمیت پورے خاندان نے عید بھی سعودی عرب میں منائی ہے۔
دورۂ سعودی عرب کے دوران شریف فیملی کی متعدد ویڈیوز اور تصویریں سوشل میڈیا پر وائرل ہوئی ہیں جن میں میاں محمد نواز شریف اور خاندان کے دیگر افراد کو خصوصی اہلکاروں کے حصار میں عمرہ کرتے ہوئے دیکھا گیا۔
اب مدینہ منورہ میں موجود نواز شریف کے پوتے، مریم نواز کے بھتیجے زید نے اپنی پھوپی اور دادا کے ہمراہ تصویر شیئر کی ہے۔
یاد رہے کہ سابق وزیرِ اعظم میاں محمد نواز شریف نے اہلِ خانہ کے ہمراہ 5 برس بعد عمرے کی سعادت حاصل کی ہے۔
واضح رہے کہ نواز شریف، مریم نواز اور خاندان کے دیگر افراد کو سعودی عرب کے حکمراں خاندان کی جانب سے عمرے کے لیے شاہی مہمان کے طور پر دعوت دی گئی تھی۔
