زمان پارک سے گرفتار شر پسندوں کا PTI قیادت سے ہدایات لینے کا اعتراف

19 مئی ، 2023

زمان پارک لاہور سے گزشتہ روز گرفتار کیے گئے 8 مبینہ شر پسندوں کے اہم انکشافات سامنے آ گئے۔

پولیس ذرائع نے دعویٰ کیا ہے کہ گرفتار 8 شر پسندوں نے پی ٹی آئی کی اہم لیڈر شپ سے رابطوں کا اعتراف کیا ہے، تمام شر پسند لیڈر شپ سے ہدایات لے رہے تھے۔

پولیس ذرائع کا کہنا ہے کہ تمام ملزمان کے رہنماؤں سے فون نمبرز اٹیچ ہو گئے ہیں، ملزم بخت عالم شانگلہ، ممتاز مردان کا رہنے والا ہے، کے پی میں رہنماؤں سے رابطے میں تھے۔

پولیس ذرائع نے بتایا ہے کہ سوات کا عزیز الغنی بھی کے پی سے ہدایات لیتا رہا، مصری شاہ کا اعجاز، اچھرہ کا عبدالغفور، شاہدرہ کا زوہیب اعجاز چوہدری سے ہدایات لے رہے تھے۔

پولیس ذرائع کا مزید کہنا ہے کہ شالیمار کا نبیل اور سیالکوٹ کا حنزلہ بھی مسلسل ہدایات لے رہے تھے۔

پولیس ذرائع نے یہ بھی بتایا ہے کہ ملزم نے انکشاف کیا ہے کہ انہوں نے توڑ پھوڑ اور پُرتشدد کارروائیوں میں استعمال کیے جانے والے ڈنڈے ٹمبر مارکیٹ سے بنوا کر رکھے ہوئے تھے۔

قومی خبریں سے مزید