بھارت میں ایک اور خاتون کو قتل کر کے لاش کے ٹکڑے کردیے گئے

بھارت میں قتل اور پھر لاش کے ٹکڑے کرنے کا ایک اور واقعہ سامنے آگیا۔

بھارتی میڈیا کے مطابق ممبئی کے فلیٹ میں خاتون کو اس کے ساتھ رہنے والے شخص نے قتل کر کے لاش کے کئی ٹکڑے کردیے۔

رپورٹس کے مطابق 32 سالہ سرس وتی کی لاش 7 ویں منزل پر موجود اس کے کرائے کے فلیٹ سے ملی جہاں وہ 56 سالہ منوج سانے کے ساتھ رہ رہی تھی۔

پولیس کے مطابق دونوں افراد بنا شادی کے 3 سال سے ساتھ رہ رہے تھے اور واقعے کے بعد ملزم کو حراست میں لے لیا گیا ہے۔

رپورٹس کےمطابق عمارت میں رہنے والے دیگر افراد نے فلیٹ سے آنے والی بدبو کے بعد واردات سے متعلق پولیس کو اطلاع دی تھی۔

پولیس کا کہنا ہے کہ فلیٹ سے خاتون کی لاش کئی ٹکڑوں میں ملی اور ابتدائی طور پر معلوم ہوا ہے کہ اسے بے دردی سے قتل کیا گیا۔

ملزم نے شردھا واکر کی ہڈیوں کو مکسر کی مدد سے پاؤڈر بنا کر پھینکا، پولیس کا دعویٰ

گزشتہ برس دہلی میں کیے جانے والے بدنام زمانہ فرج مڈر کیس جس میں آفتاب پونا والا نامی ملزم نے اپنی محبوبہ شرادھا والکر کو قتل کے بعد اسکی لاش کے ٹکڑے بنا کر اسے فریج میں رکھا اور تین ماہ بعد اسے مختلف جگہوں پر ٹھکانے لگا دیا۔

بھارتی میڈیا کے مطابق پولیس کا کہنا ہے کہ اس واقعے کی مزید تفتیش کی جارہی ہے کہ ملزم نے کیوں خاتون کو اتنی بےدردی سے قتل کیا۔

واضح رہے کہ بھارت میں اس سے قبل بھی اس طرح کے کئی واقعات ہوچکے ہیں جن میں کئی مرد اور خواتین کو قتل کرنے کے بعد ان کی لاشوں کے ٹکڑے کردیے گئے تھے۔