سندھ کا بجٹ اعداد و شمار کا گورکھ دھندا ہے، متحدہ

متحدہ قومی موومنٹ (ایم کیو ایم) پاکستان کے رہنما فاروق ستار نے سندھ کے بجٹ کو اعداد و شمار کا گورکھ دھندا قرار دے دیا۔

جیو نیوز کی بجٹ ٹرانسمیشن میں گفتگو کرتے ہوئے انہوں نے کہا کہ تعلیمی ادارے بلدیاتی اداروں کو دینے چاہئیں۔

سندھ میں مزدور کی کم سے کم اجرت 33,750 روپے مقرر

مراد علی شاہ نے بطور وزیرِ خزانہ اپنے پانچ سال دور حکومت کا پانچواں بجٹ پیش کیا۔

اس موقع پر صوبائی وزیر سعید غنی نے کہا کہ معلوم نہیں فاروق ستار کے پاس اعداد و شمار کہاں سے آئے ہیں کہ اعلیٰ تعلیم کے لیے 987 ارب روپے رکھے گئے ہیں۔

ان کا کہنا تھا کہ یہ اعداد و شمار ان کے پاس تو نہیں ہیں۔

واضح رہے کہ وزیرِاعلیٰ سندھ مراد علی شاہ نے صوبے کا 2 کھرب 244 ارب روپے کا بجٹ پیش کردیا ہے، بجٹ خسارہ 37.7 ارب روپے سے زائد ہے۔