فرمان الہی
نماز کے اوقات
پاکستان پیپلز پارٹی کے صدر آصف علی زرداری اور شہید محترمہ بے نظیر بھٹو کی سب سے بڑی صاحبزادی بختاور بھٹو زرداری نے گزشتہ روز فادرز ڈے کی مناسبت سے ویڈیو سوشل میڈیا پر شیئر کر دی۔
فوٹو اینڈ ویڈیو شیرنگ پلیٹ فارم انسٹاگرام پر شیئر کی گئی ویڈیوز میں بختاور بھٹو زرداری اپنے شوہر محمود چوہدری کو ٹیگ کرتے ہوئے اپنے بیٹوں کو گھوڑا گاڑی چلانے کی تربیت دینے پر شکریہ ادا کر رہی ہیں۔
بختاور بھٹو زرداری نے مذکورہ ویڈیو کے کیپشن میں شوہر کا شکریہ ادا کرتے ہوئے لکھا کہ ’سب سے بہترین شوہر اور حیرت انگیز باپ ہونے پر آپ کا شکریہ محمود چوہدری۔ آپ ہمارے بچوں کو نئے ہنر جیسا کہ گھوڑا گاڑی چلانا سِکھاتے ہیں اور ہمیں ہر روز ہنسے کی نئ وجہ دیتے ہیں‘۔
بختاور بھٹو زرداری نے فادرز ڈے کی مناسبت سے ایک تصویر بھی شیئر کی ہے جس میں ان کے دونوں بیٹے میر حاکم اور میر سجاول اپنے نانا کے ہمراہ دکھائی دے رہے ہیں۔
