فرمان الہی
نماز کے اوقات
’سودیو‘ ایک عجیب و غریب قسم کی چینی ڈش یا اسٹریٹ فوڈ ہے جو چھوٹے دریائی پتھروں، مختلف مصالحوں اور جڑی بوٹیوں پر مشتمل ہوتی ہے، جسے تیار کرنے کیلئے ان تمام اشیاء کو ساتھ ملا کر گرم تیل میں فرائی کیا جاتا ہے۔
اسے کھانے کا طریقہ یہ ہے کہ آپ ان پتھروں کو منہ میں رکھ کر چوستے اور پھر پھینک دیتے ہیں۔ عمومی طور پر سودیو ڈش کا ترجمہ چوسنا اور پھینکنا ہے۔
اس کے بارے میں گمان کیا جاتا ہے کہ یہ صدیوں قبل چینی کھانوں کا حصہ بنی اور اس کے ایجاد کرنے والے وہ ملاح تھے جو دریا کے وسط میں کسی وجہ سے پھنسنے کی صورت میں جب کوئی کھانے کی چیز نہ ملنے پر یہ ڈش تیار کرتے تھے۔
وہ اپنا پیٹ بھرنے کے لیے دریا کی کنکریوں کو مصالحوں اور جڑی بوٹیوں کے ساتھ ملا کر تیار کرتے اور پھر انہیں فرائی کرلیتے اور پھر کنکریوں کو چوس کر خشک کرتے اور منہ سے نکال کر پھینک دیتے تھے۔
یہ روایتی ڈش کئی نسلوں سے ہوتی ہوئی آج تک موجود ہے اور عہد حاضر میں یہ چین کے سڑک کنارے کھڑے دکاندار فروخت کرتے نظر آتے ہیں۔
یہ دکاندار دریائی کنکریوں یا چھوٹے پتھروں کو چلی آئل، گارلیک ساس، گارلیک کلوو اور مصالحوں کے ایک مکسچر کے ساتھ ملا کر تیل میں فرائی کرکے استعمال کرتے ہیں۔
