فرمان الہی
نماز کے اوقات
بحریہ یونیورسٹی نے آل کراچی انٹر یونیورسٹی کرکٹ ٹورنامنٹ کا تاج اپنے سر سجالیا، فائنل میں این ای ڈی کو شکست کا سامنا کرنا پڑا۔ ڈی ایچ اے صفا یونیورسٹی کے زیر اہتمام ہونے والے فائنل میں این ای ڈی یونیورسٹی نے 143 رنز بنائے، جواب میں بحریہ یونیورسٹی کراچی کیمپس نے ہدف 3 وکٹ پر پورا کرلیا۔ جہانزیب جاوید 98رنز بناکر مین آف دی میچ قرار پائے۔
ڈائریکٹر بحریہ یونیورسٹی کراچی کیمپس کموڈور مزمل حسین ستارہ امتیاز ( ملٹری ) اور ڈپٹی ڈائریکٹر بحریہ یونیورسٹی کراچی کیمپس فراز فاروق ہیریکار تمغہ امتیاز (ملٹری) نے ٹورنامنٹ جیتنے پر ٹیم کو مبارکباد دی اور کہا کہ صحت مند معاشرے کیلئے کھیلوں کی سرگرمیاں اہمیت کے حامل ہیں۔
انٹر یونیورسٹی کرکٹ ٹورنامنٹ میں بحریہ یونیورسٹی کراچی کیمپس، ڈی ایچ اے صفا یونیورسٹی، انسٹی ٹیوٹ آف بزنس منیجمنٹ،فاسٹ نیشنل یونیورسٹی، عثمان انسٹیٹیوٹ ٹیکنالوجی، محمد علی جناح یونیورسٹی اور انڈس یونیورسٹی نے حصہ لیا۔
