• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، سونے کے تاجر کے 2 کروڑ 22 لاکھ لوٹ لئے گئے

آج کا اخبار
اہم خبریں
07 اگست ، 2023
کراچی(اسٹاف رپورٹر)پریڈی پولیس نے صدر کچھی میمن مسجد کے قریب 2کروڑ 22 لاکھ روپے کی ڈکیتی کا مقدمہ درج کرلیا۔تفصیلات کے مطابق صدر راجہ غضنفر علی خان روڈ کچھی میمن مسجد کے قریب پیش آنے والی ڈکیتی کی واردات کا مقدمہ پریڈی پولیس نے درج کر لیا۔مقدمہ الزام نمبر 552/2023اے اینڈ وائی گولڈ شاپ کے پرائیویٹ ملازم شیر اعظم کی مدعیت میں درج کیا گیا۔ مدعی نے بتایا کہ ہفتے کو وہ ساڑھے 3 بجے کام پر آیا تھا کہ دکان کے سیٹھ یاسین نے پونے 6 بجے کہا کہ آپ اقبال گولڈ لیب سے جا کر رقم لے آو جس پر میں بتائے ہوئے پتے پر گیا جہاں سے زین نے مجھے اسکول بیگ میں رقم دی جو 2کروڑ 22 لاکھ روپے تھی۔مدعی کے مطابق رقم گن کر دوبارہ بیگ میں رکھ کر واپس آرہا تھا کہ تقریباً 6 بجکر 50 منٹ پر دو ملزمان ایک موٹر سائیکل 125 نمبر نامعلوم پر آئے اور میرے قریب موٹر سائیکل روک کر اسلحے کے زور پر مجھ سے زبردستی رقم سے بھرا بیگ چھین کر فرار ہوگئے۔مدعی کا کہنا تھا کہ دونوں ملزمان کو میں سامنے آنے پر شناخت کر لوں گا۔ پولیس نے رقم گن کر لینے والے اور رقم دینے والوں کو شامل تفتیش کر کے واردات کی سی سی ٹی وی فوٹیج کی مدد سے تفتیش شروع کر دی ہے۔ پولیس کا کہنا ہے کہ ڈکیتی کا واقعہ بغیر مخبری کے ممکن نہیں ہے،واقعہ کی تفتیش جاری ہے ۔
اہم خبریں سے مزید