فرمان الہی
نماز کے اوقات
کراچی( اسٹاف رپورٹر )پی ٹی آئی رہنما عثمان ڈار کو کراچی سے مبینہ طور پر نامعلوم افراد اپنے ہمراہ لے گئے۔پی ٹی آئی کے رہنما فرخ حبیب نے اپنے ایکس ( ٹوئٹر ) اکاؤنٹ میں بتایا ہے کہ عثمان ڈار کی فیملی کے مطابق عثمان ڈار کو کراچی سے اٹھا لیا گیا ہے کیونکہ وہ عمران خان کا ساتھ چھوڑنے کو تیار نہیں تھے۔ انکا کہنا تھا کہ عثمان ڈار کو فوری طور منظر عام پر لایا جائے اگر ان پر کوئی مقدمہ ہے تو انکو عدالت میں پیش کیا جائے تاکہ وہ حق دفاع استعمال کرسکے ان کے خاندان کو بھی ان تک رسائی دی جائے۔ اس سے پہلے انتقامی کارروائی کی بنیاد پر عثمان ڈار کی والدہ کے ساتھ پولیس بدتمیزی کرچکی ہے ان کا گھر اور فیکٹری کو بھی سیل کیا گیا۔ دوسری جانب ڈی آئی جی ایسٹ اظفر مہیسر کے مطابق انکے علم میں ایسی کوئی بات نہیں ہے جبکہ ایس ایس پی ملیر طارق مستوئی نے بھی واقعہ سے لاعلمی کا اظہار کیا ہے۔
