ایلون مسک کے ہاں ایک اور بچے کی پیدائش، نئی سوانح حیات میں انکشاف

11 ستمبر ، 2023

معروف امریکی کمپنی ٹیسلا کے بانی ایلون مسک ٹیسلا کے بارے میں شائع ہونے والی ایک نئی سوانح حیات میں یہ انکشاف کیا گیا ہے کہ ان کے ہاں ایک اور بچے کی پیدائش ہوئی جسے خفیہ رکھا ہوا ہے۔

بین الاقوامی میڈیا کی رپورٹ کے مطابق، ایلون مسک کی زندگی کے بارے میں لکھی گئی ایک کتاب جوکہ 12 ستمبر کو ریلیز ہونے والی ہے، اس کتاب میں یہ بات سامنے آئی ہے کہ ایلون مسک اور ان کی سابقہ گرل فرینڈ گلوکارہ گرائمز کے ہاں تیسرے بچے کی پیدائش ہوئی ہے، جس کا نام ’تاؤ(Tau)‘ رکھا گیا ہے۔

رپورٹ میں بتایا گیا ہےکہ ایلون مسک کے اس بیٹے کے بارے میں یا اس کی پیدائش کے بارے میں کچھ خاص تفصیلات ابھی تک سامنے نہیں آئیں کیونکہ ایلون مسک نے اپنے اس نومولود بچے کی شناخت کو خفیہ رکھا ہوا ہے۔

یاد رہے کہ ایلون مسک اب 3 مختلف خواتین کے ساتھ 10 بچوں کے والد ہیں۔

ایلون مسک کے اس سے قبل 9 بچے ہیں، جن میں ان کی پہلی بیوی جسٹن مسک سے 5 بچے، گرل فرینڈ، کینیڈین گلوکارہ گرائمز سے 2 بچے اور اپنی نیورو ٹیکنالوجی فرم نیورالنک کی ایک اعلیٰ ایگزیکٹو شیون زیلیس سے 2 جڑواں بچے شامل ہیں۔

بین الاقوامی خبریں سے مزید