فرمان الہی
نماز کے اوقات
مستونگ دھماکے میں شدید زخمی جمعیت علماء اسلام (جے یو آئی) رہنما حافظ حمد اللّٰہ کو کراچی منتقل کردیا گیا۔
ایوی ایشن ذرائع کے مطابق حافظ حمد اللّٰہ کو کوئٹہ سے ایئر ایمبولنس کے ذریعے کراچی پہنچایا گیا ہے۔
مولانا حافظ حمد اللّٰہ کو کراچی ایئرپورٹ سے ایمبولنس کے ذریعے آغا خان اسپتال منتقل کر دیا گیا ہے۔
کراچی ایئرپورٹ پر جے یو آئی فضل الرحمان گروپ کے رہنماؤں نے استقبال کیا۔
مولانا محمد غیاث، سیکریٹری جے یو آئی کراچی ایئرپورٹ کے ٹرمینل ون پر موجود تھے۔
مولانا امین اللّٰہ، مولانا عبدالکریم عابد، قاری نصیر الدین سواتی اور دیگر نے حافظ حمد اللّٰہ کا استقبال کیا۔
واضح رہے کہ گذشتہ روز مستونگ میں قومی شاہراہ پر ہونے والے دھماکے میں جے یو آئی کے مرکزی رہنما سابق سینیٹر و پاکستان ڈیموکریٹک موومنٹ (پی ڈی ایم) کے مرکزی ترجمان حافظ حمد اللّٰہ سمیت 12 افراد زخمی ہوگئے تھے۔
