فرمان الہی
نماز کے اوقات
کینیڈا اور بھارت کے تجارتی محاذ پر تعلقات کشیدہ ہوگئے ہیں، کینیڈا نے اکتوبر میں بھارت کے لیے طے شدہ تجارتی مشن ملتوی کر دیا۔
غیر ملکی خبر رساں ادارے کے مطابق کینیڈا کے وزیر تجارت نے کہا ہے کہ اکتوبر میں بھارت کے لیے طے شدہ تجارتی مشن ملتوی کر دیا گیا ہے۔
اس حوالے سے بھارتی حکام نے کہا ہے کہ کینیڈا میں سیاسی سرگرمیوں پر اعتراضات کے سبب تجارتی معاہدے پر بات روک دی ہے۔
میڈیا رپورٹس کے مطابق بھارتی وزیرِ اعظم نریندر مودی نے حال ہی میں سکھوں کے مظاہروں سے نمٹنے کے لیے کینیڈا پر تنقید کی تھی۔
مودی کی تنقید پر کینیڈا کے وزیرِ اعظم جسٹن ٹروڈو نے کہا تھا کہ کینیڈا میں ہر شہری کو پُرامن احتجاج اور آزادی رائے کا حق حاصل ہے۔
واضح رہے کہ کینیڈا کے وزیرِ اعظم جسٹن ٹروڈو بھارت میں جی 20 اجلاس میں شرکت کے لیے گئے تھے تاہم وہ اپنے دورۂ بھارت سے خوش نہیں ہیں۔
