فرمان الہی
نماز کے اوقات
جمعیت علماء اسلام (جے یو آئی) رہنما حافظ حسین احمد نے تحریک انصاف قیادت کی مولانا فضل الرحمان سے ملاقات پر تبصرہ کیا ہے۔
ایک بیان میں حافظ حسین احمد نے کہا کہ جے یو آئی کے در پر حاضری کا مطلب ہے کہ اڈیالہ جیل سے نوشتہ دیوار پڑھ لی گئی ہے۔
انہوں نے کہا کہ انتخابات کے حصول کے لیے سیاسی پارٹیوں کو یکجا ہونا پڑے گا، سیاسی جماعتیں آج مل کر نہ بیٹھیں تو پھر نہ وہ رہیں گے نہ ہم رہیں گے۔
حافظ حسین احمد نے مزید کہا کہ جمہوریت کے کرکٹ کو مارشل لاء کے گلی ڈنڈے میں تبدیل کیا جاسکتا ہے۔
اُن کا کہنا تھا کہ انتخابات کی تاریخ کو مزید آگے بڑھانے کی بو آرہی ہے، کل کے حریفوں کو آج کا حلیف بن کر ایک ہی ٹرک پر کھڑے ہوئے دیکھ رہا ہوں۔
