نواز شریف این اے 15 سے شکست تسلیم کرکے بڑے پن کا مظاہرہ کریں، گشتاسپ خان

قومی نسشت، این اے 15سے آزاد امیدوار شہزادہ گشتاسپ خان نے کہا ہے کہ مسلم لیگ ن کے قائد نواز شریف اپنی شکست تسلیم کر کے بڑے پن کا مظاہرہ کریں۔

شہزادہ گشتاسپ خان نے پریس کانفرنس کے دوران کہا ہے کہ میں نے 25200 کی برتری سے کامیابی حاصل کی ہے، نوازشریف کا رشتہ دار انہیں غلط اطلاعات دے کر اپنی شرمندگی مٹا رہا ہے۔

گشتاسپ خان کا کہنا تھا کہ اگر نواز شریف کو شکست ہضم نہیں ہو رہی تو ہم دوبارہ الیکشن کے لیے بھی تیار ہیں۔

این اے 15 مانسہرہ: نواز شریف کی درخواست پر الیکشن کمیشن کا تحریری فیصلہ

الیکشن کمیشن نے قومی اسمبلی کے حلقے این اے 15 مانسہرہ پر نواز شریف کی درخواست پر تحریری فیصلہ جاری کردیا ہے۔

انہوں نے مزید کہا ہے کہ جے یو آئی کے امیدوار مفتی کفایت اللّٰہ نے بھی اپنی شکست تسلیم کر لی ہے۔

شہزادہ گشتاسپ خان نے کہا ہے کہ این اے 15 کی خاتون آر او پر دباؤ ڈالا جا رہا ہے، 3 دن سے وہ آفس نہیں آئیں۔

یاد رہے کہ 10 فروری کو پاکستان مسلم لیگ ن کے قائد نواز شریف نے این اے 15 مانسہرہ کا انتخابی نتیجہ چیلنج کیا تھا۔

سابق وزیراعظم نے الیکشن کمیشن میں دائر درخواست میں مؤقف اختیار کیا تھا کہ مانسہرہ کے کئی علاقوں میں برف باری کے باعث رابطوں میں مشکلات کا سامنا تھا۔

انہوں نے درخواست میں کہا کہ 125 سے زائد پولنگ اسٹیشنوں سے فارم 45 نہیں پہنچے لیکن نتائج کا اعلان کردیا گیا ہے، اس لیے این اے 15 سے نتیجے کو روکا جائے۔