فرمان الہی
نماز کے اوقات
کراچی کے علاقے دو دریا پر ہوائی فائرنگ کرنے کے واقعے میں ملوث مرکزی ملزم کو گرفتار کرلیا گیا ہے۔
اس حوالے سے ڈی آئی جی ساؤتھ اسد رضا کا کہنا ہے کہ فائرنگ کے واقعے میں ملوث مرکزی ملزم بلال اور اس کے ساتھی گرفتار کرلیا گیا ہے۔
واضح رہے کہ کراچی میں ڈی ایچ اے فیز 8 کے علاقے دو دریا پر نوجوانوں کی فائرنگ کی ویڈیو وائرل ہوئی تھی۔
ڈی آئی جی ساؤتھ نے پولیس کو فائرنگ کرنے والوں کیخلاف کارروائی کا حکم دیا تھا۔
اس حوالے سے انہوں نے بتایا تھا کہ آج اسکول و کالجوں کے طالبِ علموں نے تقریب رکھی تھی، کلاس چھوڑ کر طالب علم ایونٹ میں شریک ہوئے اور قانون کو ہاتھ میں لیا۔
انکا کہنا تھا کہ فائرنگ کرنے والوں کی نشاندہی کرتے ہوئے کچھ افراد کو حراست میں لیا ہے، کمانڈ اینڈ کنٹرول اور سیف سٹی کے کیمروں کے ذریعے سے مزید کارروائی کی جارہی ہے۔
ڈی آئی جی ساؤتھ اسد رضا کا کہنا تھا کہ ہوائی فائرنگ کرکے خوف و ہراس پھیلانے والوں کیخلاف ایکشن لیا جارہا ہے۔ کالج انتظامیہ سے رابطہ کیا، انتظام کرنے والے طالبعلموں کیخلاف کارروائی کی سفارش کی ہے۔
انہوں نے یہ بھی کہا تھا کہ فائرنگ کرنے والوں کی گاڑیوں کی بھی نشاندہی کرلی گئی ہے، ان کے خلاف باقاعدہ ایف آئی آر رجسٹرڈ کی جائے گی۔
