سعودی وفد کا دورہ ہماری بین الاقوامی ساکھ کی بحالی کا عکاس ہے، عطا تارڑ

وفاقی وزیر اطلاعات و نشریات عطا تارڑ نے کہا ہے کہ سعودی وفد کا دورہ پاکستان ہماری بین الاقوامی ساکھ کی بحالی کا عکاس ہے۔

جیو نیوز سے گفتگو میں عطا تارڑ نے کہا کہ سعودی عرب اور پاکستان کے درمیان زراعت، آئی ٹی، معدنیات، سیاحت میں سرمایہ کاری ہوگی۔

وزیر خارجہ پرنس فیصل بن فرحان کی زیر قیادت سعودی وفد پاکستان پہنچ گیا

سعودی وزیر خارجہ شہزادہ فیصل بن فرحان بن عبداللہ کی سربراہی میں سعودی وفد آج پاکستان پہنچے گا۔

انہوں نے مزید کہا کہ سعودی عرب کے اعلیٰ سطح کے وفد کا دورہ پاکستان انتہائی اہمیت کا حامل ہے، یہ دورہ ہماری بین الاقوامی ساکھ کی بحالی کا عکاس ہے۔

عطا تارڑ نے یہ بھی کہا کہ سعودی وفد کل پاکستان میں سرمایہ کاری اور باہمی امور پر تبادلہ خیال کرے گا۔

اُن کا کہنا تھا کہ سعودی سرمایہ کاری سےپاکستانی معیشت کو مستقبل میں استحکام ملے گا۔