خیرپور: نوجوان کے قتل کا ڈراپ سین، باپ قاتل نکلا، پولیس

خیرپور میں چند روز قبل قتل ہونے والے نوجوان کے معاملے کا ڈراپ سین ہوگیا۔

تھانہ سوارہ پولیس کی تفتیش میں یہ انکشاف ہوا کہ بیٹے کا قاتل سگا باپ نکلا، ملزم کے اعتراف کے بعد آلہ قتل بھی برآمد کر لیا گیا۔

ملزم نے اعتراف جرم کرتے ہوئے پولیس کو بتایا کہ اس نے گھریلو ناچاقی پر اپنے بیٹے کو قتل کیا۔

ملزم نے 6 اپریل کو کلہاڑیوں کے وار کرکے بیٹے کو قتل کیا تھا۔ قتل کا مقدمہ ملزم نے اپنی ہی مدعیت میں نامعلوم افراد کے خلاف درج کروایا تھا۔