• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

علی امین نے وفاق کو مکمل تعاون کی یقین دہانی کرائی ہے، عطا تارڑ

تازہ ترین
قومی خبریں
25 مئی ، 2024


وفاقی وزیر اطلاعات عطا اللّٰہ تارڑ  کا کہنا ہے کہ وزیراعلیٰ خیبر پختونخوا علی امین گنڈاپور نے ایس آئی ایف سی اجلاس میں اپنے صوبے کے مسائل کی بات کی، میرے بھائی علی امین گنڈاپور نے وفاق کو مکمل تعاون کی یقین دہانی کرائی ہے۔

اسلام آباد میں میڈیا سے گفتگو کرتے ہوئے وزیر اطلاعات عطا تارڑ نے کہا کہ آج کی میٹنگ سے پیغام گیا کہ وفاق اور اکائیوں میں اتحاد ہے، ایس آئی ایف سی پر سب کو اعتماد ہے، وزیر اعلیٰ خیبر پختونخوا علی امین گنڈاپور نے ایس آئی ایف سی سے متعلق یقین دہانی کروائی، انہوں نے ایس آئی ایف سی کی اہمیت کو مانا اور کہا کہ وہ ایس آئی ایف سی سے باہر نہیں ہیں۔

ایس آئی ایف سی کی کامیابی نے ناقدین کے منہ بند کردیے، وزیراعظم شہباز شریف

وزیر اعظم نے شرکاء کو بریفنگ دیتے ہوئے کہا کہ صوبائی حکومتوں کو ایس آئی ایف سی میں ساتھ لے کر چل رہے ہیں۔

 عطا تارڑ نے مزید کہا کہ میٹنگ میں یو اے ای سے 10 ارب ڈالر سرمایہ کاری سے متعلق بات ہوئی، معیشت کے اشارے مثبت سے مثبت ترین ہوتے جا رہے ہیں، وزیراعظم کہہ چکے ہیں ہماری توجہ امداد پر نہیں سرمایہ کاری پر ہوگی،  یو اے ای سے 10 ارب ڈالر سرمایہ کاری میں آرمی چیف کی بڑی کاوش ہے۔

انہوں نے کہا کہ سرمایہ کاری اور تجارت کے فروغ کےلیے ایس آئی ایف سی کے تحت 6 ڈیسک بنیں گے، ہمارا سارا فوکس تجارت اور سرمایہ کاری کے فروغ پر ہے،  آنے والے دنوں میں مہنگائی میں کمی آئے گی۔

قومی خبریں سے مزید