کراچی (اسٹاف رپورٹر) جناح اسپتال کراچی میں پیٹ سی ٹی اسکین کی مشین غیر فعال ہو گئی ہے جس کے باعث مریضوں کو پریشانی کا سامنا کرنا پڑا ہے ۔ پیٹ سی ٹی اسکین ایک مہنگا اسکین جو پاکستان میں سرکاری سطح پر صرف جناح اسپتال میں مفت ہو رہا ہے ۔ مشین کے غیر فعال ہونے سے کراچی ، اندرون سندھ سمیت بلوچستان سے آنے والے کینسر کے مریضوں کو پریشانی کا سامنا کرنا پڑ رہا ہے ۔ واضح رہے کہ یہ اسکین کینسر کے مرض کی تشخیص کے لئے کیا جاتا ہے اور نجی اسپتالوں میں اس کی فیس 50ہزار سے زائد ہے ۔ اس سلسلے میں سائبر نائف کے سربراہ پروفیسر طارق محمود کا کہنا تھا کہ مشین کو دماغ اور امراض قلب کی بیماریوں کے حوالے سے اپ گریڈ کیا جار ہا ہے ۔ ان کا مذید کہنا تھا کہ مشین پر کافی لوڈ ہوتا ہے اس لئے اس کی ریگولر مینٹیننس کرائی جاتی ہے جس کے لئے چند دن مشین بند رہتی ہے ۔
فرمان الہی
نماز کے اوقات
