ابتک 21 ہزار 870 کاروباری افراد تاجر دوست اسکیم پر رجسٹرڈ

فیڈرل بورڈ آف ریونیو (ایف بی آر) کی تاجر دوست اسکیم کے تحت کاروباری طبقے کی رجسٹریشن جاری ہے۔

ایف بی آر کے مطابق 30 مئی تک 21 ہزار 870 کاروباری افراد تاجر دوست اسکیم پر رجسٹرڈ ہو گئے۔

30 مئی تک کراچی سے 5 ہزار 512، لاہور سے 6 ہزار 706 تاجر رجسٹرڈ ہوئے ہیں۔

بجٹ: تاجر دوست ایپ میں شامل نہ ہونیوالوں کیخلاف کارروائی کی تجویز

بجٹ 25-2024ء کی تیاریاں جاری ہیں، آئندہ بجٹ میں تاجر دوست ایپ میں شامل نہ ہونے والوں کے خلاف کارروائی کی تجویز دی گئی ہے۔

وفاقی دارالحکومت اسلام آباد سے اب تک 1 ہزار 927، راولپنڈی سے 2 ہزار 742، پشاور سے 1 ہزار 857 تاجر رجسٹرڈ ہو چکے ہیں۔

کوئٹہ سے تاجر دوست اسکیم پر 1 ہزار 226 تاجر رجسٹریشن کرا چکے ہیں۔

ایف بی آر کے مطابق تاجر دوست اسکیم معیشت کو دستاویزی شکل دینے میں اہم اقدام ہے۔

فیڈرل بورڈ آف ریونیو کا یہ بھی کہنا ہے کہ تاجر برادری کی شراکت سے تاجر دوست اسکیم اور ٹیکس کمپلائنس کو فروغ ملےگا۔