کراچی پورٹ پر نجی ٹریکر کمپنی کی سروس میں خلل، سیکڑوں کنٹینرز کی نقل وحمل معطل

کراچی (مانیٹرنگ ڈیسک) کراچی پورٹ پر نجی ٹریکرکمپنی کی سروس میں خلل ہونے پر سیکڑوں کنٹینرز کی نقل وحمل معطل ہوگئی۔پورٹ ذرائع کے مطابق کراچی پورٹ سے ڈرائی پورٹس، ایکسپورٹ زون کوکنٹینرز کی منتقلی معطل ہے۔ ذرائع نے بتایاکہ ایکسپورٹ پروسیسنگ زون میں 100 کنٹینرز پورٹ منتقلی کے منتظر ہیں جبکہ ایکسپورٹ پروسیسنگ زون کیلئے درآمد 200 سے زائدکنٹینربھی پورٹ پر رکے ہوئے ہیں۔ ذرائع کا کہنا ہے کہ افغان ٹرانزٹ کے کنٹینرز بھی تین روز سے پھنسے ہوئے ہیں۔