لندن (پی اے) زوپلا نے کہا ہےکہ پہلی بار خریداری کرنے والے کو اوسطً 60600پونڈزکی گھریلو آمدن کی ضرورت ہے۔ ویب سائٹ کے حساب کے مطابق پہلی بار مکان کی خریدار ی کیلئے 60000سے زیادہ کی گھریلو آمدنی درکار ہوتی ہے۔ زوپلا کے مطابق یہ رقم پانچ سال پہلے کے مقابلہ میں14900پونڈز زیادہ ہے اور ایک سال پہلے کے مقابلے میں 2400 پونڈززیادہ ہے۔ یہ تجزیہ 250000پونڈزکے لگ بھگ زوپلا پر فروخت کے لئے پہلی بار خریداروں کے گھروں کی اوسط پوچھنے والی قیمتوں پر مبنی تھا، جو ان گھروں کی بنیاد پر تھا جو پراپرٹی کی خریداری کے خواہشمند تھے۔ ویب سائٹ نے فرض کیا کہ خریداروں کے پاس 20فیصد ڈپازٹ ہوگا اور وہ اپنی آمدنی کا 3.3 گنا بطور رہن لے رہے ہیں۔ زوپلا کی سینئر پراپرٹی ریسرچر ایزابیلا لوبوئیکا نے کہا کہ پہلی بار خریداروں کو درپیش چیلنجز پورے برطانیہ میں ایک جیسے نہیں ہیں۔ گھر کی ملکیت تک رسائی کے لئے زیادہ تر ویلز، شمالی انگلینڈ اور سکاٹ لینڈ میں کم آمدنی کی ضرورت ہوتی ہے۔سب سے بڑا چیلنج جنوبی انگلینڈ، خاص طور پر لندن میں ہے، جہاں پہلی بار خریدار پہلے ہی سستے گھر خرید رہے ہیں اور اسے بہتر بنانے کی کوشش کر رہے ہیں۔ زوپلا کے تجزیہ کے مطابق لندن میں پہلی بار خریداروں کو عام طور پر 103000 پونڈزکی گھریلو آمدنی کی ضرورت ہوگی۔ ویلز میں انہیں 38800 پونڈز اور اسکاٹ لینڈ میں 31500 پونڈز آمدنی درکار ہوگی۔ یہ نتائج دفتر برائے قومی شماریات (او این ایس) کے اس ہفتے جاری کئے گئے، جس سے ظاہر ہوتا ہے کہ مئی میں کنزیومر پرائس انڈیکس (سی پی آئی) کی افراط زر اپریل میں 2.3 فیصد سے کم ہو کر 2 فیصد رہ گئی۔ دریں اثناء بلڈنگ سوسائٹیز ایسوسی ایشن (بی ایس اے) کی جانب سے جمعرات کو جاری کردہ ایک پراپرٹی ٹریکر سروے سے پتا چلا ہے کہ پہلی بار مکان کے خریداروں کی آدھے سے زیادہ (56فیصد) لوگوں کا خیال ہے کہ گھر خریدنے کے لئے ضروری ڈپازٹ بہت زیادہ ہے، جو بڑھ کر تقریباً دو تہائی (63فیصد) ہو گیا ہے۔ تقریباً 10 میں سے سات (68فیصد) لوگوں نے محسوس کیا کہ ماہانہ رہن کی ادائیگیوں کی استطاعت گھر خریدنے میں ایک بڑھتی ہوئی رکاوٹ ہے۔ اسی طرح کی تعداد (65فیصد) نے کہا کہ ڈپازٹ بڑھانا ایک رکاوٹ ہے۔
فرمان الہی
نماز کے اوقات
