• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آننت اور رادھیکا کی شادی سے قبل 50 مستحق جوڑوں کی اجتماعی شادی کا اہتمام

تازہ ترین
بین الاقوامی خبریں
03 جولائی ، 2024


ایشیا کی سب سے امیر ترین شخصیت مکیش امبانی کے سب سے چھوٹے بیٹے آننت امبانی اور رادھیکا مرچنٹ کی شادی کی تقریبات کے باقاعدہ آغاز سے قبل 50 جوڑوں کی اجتماعی شادی کا اہتمام کیا گیا۔

بھارتی میڈیا رپورٹس کے مطابق نیتا اور مکیش امبانی نے اپنے چھوٹے بیٹے کی شادی کی خوشی میں گزشتہ روز مہاراشٹر کے علاقے پالگھر سے تعلق رکھنے والے 50 مستحق جوڑوں کی اجتماعی شادی کا اہتمام کیا تھا۔

اجتماعی شادی کی اس تقریب کا اہتمام ریلائنس کارپوریٹ پارک میں کیا گیا جس میں تقریباً 800 افراد، جو مستحق جوڑوں کے اہل خانہِ ہیں، نے شرکت کی۔

آننت امبانی اور رادھیکا مرچنٹ کی شادی کی تفصیلات سامنے آگئیں

بھارت کے کھرب پتی تاجر مکیش امبانی کے چھوٹے بیٹے آننت امبانی اور صنعتکار ویرن مرچنٹ کی بیٹی رادھیکا مرچنٹ کی جولائی میں ہونے والی شادی کی تفصیلات سامنے آگئی۔

اجتماعی شادی کی اس تقریب میں نیتا اور مکیش امبانی، آکاش امبانی اور ان کی اہلیہ شلوکا مہتا، ایشا امبانی اور ان کے شوہر آنند پیرامل نے شرکت کی۔

نیتا اور مکیش امبانی نے اپنے سب سے چھوٹے بیٹے آننت امبانی اور رادھیکا مرچنٹ کی شادی کی تقریبات، جو 12 جولائی سے شروع ہو رہی ہیں، کا آغاز 50 مستحق جوڑوں کی اجتماعی شادی سے کیا ہے مگر انہوں نے ملک بھر میں ایسی سینکڑوں شادیوں کے اجتماعات منعقد کروانے کی یقین دہانی کروائی ہے۔

بین الاقوامی خبریں سے مزید