محرم الحرام: خیبر پختونخوا میں فوج کی خدمات لینے کا فیصلہ

خیبر پختونخوا میں محرم الحرام کی سیکیورٹی کے لیے فوج کی خدمات لینے کا فیصلہ کیا گیا ہے۔

آئی جی خیبر پختونخوا اختر حیات خان نے جیو نیوز سے گفتگو کرتے ہوئے کہا ہے کہ حساس اضلاع میں آرمی کی خدمات لی جائیں گی۔

اختر حیات خان کا کہنا ہے کہ ڈی آئی خان، ہنگو، کوہاٹ، کُرم اور پشاور زیادہ حساس اضلاع ہیں۔

محرم الحرام میں سندھ کے 143 علماء اور ذاکرین کے بیانات اور سفر پر پابندی عائد

محرم الحرام میں سندھ کے 143 علماء کرام اور ذاکرین کے بیانات اور سفر پر پابندی عائد کر دی گئی۔

انہوں نے کہا کہ محرم الحرام کے لیے سیکیورٹی انتظامات مکمل ہیں، امن و امان برقرار رکھنے کے لیے امن کمیٹی، علماء اور دیگر مکتبہ فکر کے لوگوں سے بات چیت کی گئی ہے۔

آئی جی خیبر پختونخوا کا کہنا ہے کہ 5 محرم کے بعد ایف سی بھی ذمےداریاں انجام دے گی۔