• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں آج گرمی بڑھنے، کل بارش کا امکان

SA
شوالہ اسلم
تازہ ترین
قومی خبریں
07 جولائی ، 2024
—فائل فوٹو
—فائل فوٹو

کراچی میں آج گرمی کی شدت میں اضافے جبکہ کل سے بارش کا امکان ظاہر کیا جا رہا ہے۔

موسمیاتی تجزیہ کار کے مطابق آج درجۂ حرارت 37 سے 39 ڈگری سینٹی گریڈ رہنے کا امکان ہے۔

موسمیاتی تجزیہ کار کا کہنا ہے کہ شہر کے شمال مشرقی اطراف میں آج تھنڈر سیل کی تشکیل ممکن ہے، جس کے باعث آج شام یا رات کےاوقات میں بوندا باندی کا امکان ہے۔

کراچی، مختلف علاقوں میں رات گئے بوندا باندی، گرمی کا زور ٹوٹ گیا

مون سون کی ہوائیں بلوچستان میں بھی داخل ہوگئیں، شمال مشرقی علاقوں میں بارشوں کا سلسلہ جاری ہے۔

کراچی میں مون سون کی ابتدائی بارشیں 8 سے 10 جولائی کو ہو سکتی ہیں۔

محکمۂ موسمیات کے مطابق آئندہ 24 گھنٹوں کے دوران موسم گرم اور مرطوب رہنے کا امکان ہے۔

کراچی میں مغربی سمت سے 17 کلو میٹر فی گھنٹہ کی رفتار سے ہوائیں چل رہی ہیں، جن میں نمی کا تناسب 74 فیصد ہے۔

محکمۂ موسمیات کا کہنا ہے کہ آج زیادہ سے زیادہ درجۂ حرارت 37 ڈگری سینٹی گریڈ تک جانے کا امکان ہے۔

قومی خبریں سے مزید