فرمان الہی
نماز کے اوقات
کراچی(نیوزڈیسک)کینیا کے صدر ولیم روٹو نے حکومت مخالف ملک گیر مظاہروں کے بعد وزیر خارجہ اور نائب صدر کے سوا پوری کابینہ کو برطرف کردیا اور عوامی مطالبے پر تمام طبقات کی نمائندگی کرنے والی ’قومی حکومت‘ کے قیام کا عندیہ دیا ہے۔کینیا پر 78 ارب ڈالر کا قرض ہے جو کینیا کی جی ڈی پی کا تقریباً 70 فیصد ہے عالمی خبر رساں ادارے کے مطابق کینیا کے صدر نے عوام کو پُرامن رہنے کی اپیل کرتے ہوئے کہا ہے کہ وہ قومی حکومت کے قیام کے لیے مشاورت کا عمل کر رہے ہیں تب تک عوام صبر کا دامن نہ چھوڑیں۔اس موقع پر کینیا کے صدر کا کہنا کہ کابینہ کی ناقص کارکردگی بھی کابینہ کی تحلیل کا باعث بنی ہے جس کے خلاف عوام نے ملک گیر تحریک بھی چلائی تھی۔ میں عوام کے مطالبوں کو تسلیم کرتا ہوں۔خیال رہے کہ کینیا میں گزشتہ ماہ ٹیکسوں میں بے پناہ اضافے کے خلاف مظاہرین نے پارلیمنٹ پر دھاوا بول دیا تھا اور عمارت کا بڑا حصہ جلا دیا تھا۔
