گوجرانوالہ: آپریشن کے پیسے بجلی کے بل میں ادا، دلبرداشتہ خاتون نے نالے میں چھلانگ لگا دی

پنجاب کے شہر گوجرانوالہ میں آپریشن کے پیسے بجلی کے بل میں ادا کیے جانے پر خاتون نے نالے میں چھلانگ لگادی۔

خاتون کے گھر بجلی کا بل 10 ہزار روپے آیا تھا، جبکہ اس کے آپریش کےلیے پیسے رکھے ہوئے تھے جو بجلی کے بل کی ادائیگی کےلیے دے دیے گئے۔

گوجرانوالا میں مکی روڈ پر پیش آئے واقعے کی سی سی ٹی وی بھی سامنے آگئی، جس میں دیکھا جا سکتا ہے کہ بیٹی نے والدہ کو بچانے کی کوشش کی لیکن والدہ نالے میں کود گئیں۔

حیدرآباد: بجلی کاٹنے کے خلاف احتجاج اور پتھراؤ سے پولیس اہلکار اور لائن مین زخمی

حیدرآباد الیکٹرک سپلائی کمپنی (حیسکو) ٹیم نے پولیس کو بلالیا، پولیس نے ہوائی فائرنگ اور شیلنگ کرکے مظاہرین کو منتشر کیا۔

ریسکیو حکام نے بتایا کہ خاتون ڈوب کر لاپتہ ہوگئیں، ان کی تلاش کےلیے ریسکیو آپریشن جاری ہے۔

متاثرہ خاتون کے بیٹے نے بتایا کہ اس کی والدہ بیمار تھیں، آپریشن کےلیے پیسے جمع کیے تھے، بجلی کا اتنا بل آیا تو آپریشن کے لیے جمع پیسوں سے بل جمع کروا دیا۔

بیٹے کا کہنا تھا کہ آپریشن کے پیسے بجلی کے بل میں ادا کرنے کا معلوم ہونے پر اس کی والدہ دل برداشتہ ہوگئیں اور نالے میں کود گئیں۔