-
فرمان الہی
-
نماز کے اوقات
- منگل7؍صفر المظفر1446ھ 13؍ اگست 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
بھارتی وزیر اعظم نریندر مودی کی پاکستانی اور مسلم بہن قمر شیخ ہر سال کی طرح اس سال بھی اپنے بھائی کو راکھی باندھنے کے لیے تیار ہیں، جلد دہلی پہنچ جائیں گی۔
بھارتی میڈیا رپورٹس کے مطابق ہندو مذہب کے تہوار رکھشا بندھن پر نریندر مودی کی مسلمان بہن قمر شیخ گزشتہ 29 برسوں سے راکھی باندھ رہی ہیں اور رواں سال 30ویں بار اپنے بھائی کی کلائی پر راکھی باندھنے کے لیے پُر امید ہیں۔
خیال رہے کہ قمر شیخ کا تعلق کراچی کے مسلم گھرانے سے ہے۔ 1981 میں ان کی شادی محسن شیخ نامی بھارتی شخص سے ہوئی جس کے بعد سے وہ ہجرت کرکے بھارت آ گئیں۔
بھارتی میڈیا کے مطابق 1990 میں گجرات کے گورنر ڈاکٹر سوروپ سنگھ تھے، انہوں نے قمر شیخ اور نریندر مودی کی ملاقات کروائی تھی۔
انہوں نے بھارتی میڈیا سے گفتگو کرتے ہوئے کہا کہ وہ ڈاکٹر سوروپ سنگھ سے ملاقات کے لیے ایئرپورٹ گئی تھیں، کیونکہ وہ مجھے اپنی بیٹی کہتے تھے، جب یہ بات نریندر مودی کو پتا چلی تو انہوں نے مجھے اپنی بہن بنالیا اور اس وقت سے میں انہیں راکھی باندھ رہی ہوں۔
انہوں نے بتایا کہ جب ان کی ملاقات نریندر مودی سے ہوئی تھی اس وقت وہ سوروپ سنگھ کے کارکن تھے، اس وقت میں نے انہیں دعا دی تھی کہ ایک دن آپ گجرات کے وزیر اعلیٰ بن جائیں گے، اور جب میں دعا قبول ہوگئی تو مجھے بہت خوشی ہوئی۔
اس کے بعد جب میری ملاقات رکھشا بندھن پر ہوئی تو نریندر مودی نے مجھ سے پوچھا کہ اب میری اپنے بھائی کے لیے کیا خواہش ہے؟، جس پر میں نے انہیں دعا دی کہ نریندر مودی ملک کے وزیر اعظم بن جائیں۔ میں خوش قسمت ہوں کہ میری دعا قبول ہوئی۔ آج وہ مسلسل تیسری بار ملک کے وزیر اعظم بن گئے ہیں۔
