این ڈی ایم اے نے خیبر پختونخوا میں آندھی، طوفان اور بارش کا الرٹ جاری کردیا

16 اگست ، 2024

نیشنل ڈیزاسٹر مینجمنٹ اتھارٹی (این ڈی ایم اے) نے خیبر پختونخوا میں اگلے 24 سے 48 گھنٹوں میں آندھی، طوفان اور بارشوں کا الرٹ جاری کردیا۔

این ڈی ایم اے نے خیبر پختونخوا میں بارشوں، طوفان اور آندھی کے بارے میں متعلقہ محکموں کو الرٹ جاری کیا ہے۔

این ڈی ایم اے کے مطابق آئندہ 24 سے 48 گھنٹوں میں چترال، دیر، کوہستان، سوات، شانگلہ، مالاکنڈ، بٹ گرام میں آندھی طوفان کے ساتھ بارش متوقع ہے۔

این ڈی ایم اے کے مطابق کوہاٹ، بونیر، مہمند، باجوڑ، پشاور، نوشہرہ، مردان، چارسدہ، ہنگو، اورکزئی، کرم، وزیرستان، لکی مروت، بنوں اور ڈی آئی خان میں بارشیں متوقع ہیں۔

الرٹ کے مطابق بارش کے باعث شہروں اور پہاڑی علاقوں میں سیلابی صورتحال متوقع ہے جبکہ صوبے کے تمام چھوٹے اور بڑے دریاؤں کے بہاؤ میں اضافے کا امکان ہے۔

قومی خبریں سے مزید