یہ تاثر غلط ہے پی پی حکومت میں حصہ مانگ رہی ہے، حسن مرتضیٰ

پاکستان پیپلز پارٹی پنجاب کے سینئر رہنما حسن مرتضیٰ نے کہا ہے کہ یہ تاثر غلط ہے پی پی حکومت میں حصہ مانگ رہی ہے۔

حسن مرتضیٰ نے لاہور میں ن لیگ اور پی پی کی رابطہ کمیٹیوں کے پاور شیئرنگ سے متعلق اجلاس کے بعد میڈیا سے گفتگو کی۔

ن لیگ اور پی پی میں پاور شیئرنگ، کئی نکات پر اتفاق ہوگیا

حکمران اتحاد کی دو بڑی جماعتوں پاکستان مسلم لیگ (ن) اور پاکستان پیپلز پارٹی ( پی پی پی) کے درمیان پاور شیئرنگ کے معاملے پر اجلاس ختم ہوگیا۔

انہوں نے کہا کہ اجلاس میں ن لیگ اور پیپلز پارٹی کے درمیان پاور شیئرنگ پر بات ہوئی، باتیں خوش گوار ماحول میں ہوئی ہیں۔

پی پی رہنما نے مزید کہا کہ ن لیگ اور پیپلز پارٹی دونوں اتحادی حکومت کو آگے لے کر چلنا چاہتے ہیں، ایک ذیلی کمیٹی بنائی جو پاور شیئرنگ کے معاملات کو دیکھے گی۔

اُن کا کہنا تھا کہ ہفتے تک چیزوں کو فائنل کر کے کمیٹی کے سامنے لائیں گے، غلط تاثر دیا جارہا ہے کہ پیپلز پارٹی حکومت سے حصہ مانگ رہی ہے۔

حسن مرتضیٰ نے یہ بھی کہا کہ پیپلز پارٹی اپنے مقاصد کے حصول کےلیے حکومت کو ٹف ٹائم دے رہی ہے۔