وفاقی حکومت نے بجلی اور گیس کے ٹیرف اسٹرکچر میں بنیادی تبدیلی پر غور شروع کردیا

لاہور(آئی این پی)وفاقی حکومت نے بجلی اور گیس کے ٹیرف اسٹرکچر میں بنیادی تبدیلی پر غور شروع کردیا۔ذرائع کے مطابق بجلی و گیس کے ٹیرف مستقل کی بجائے سیزنل بنیادوں پر متعین کرنے کی تجویز ہے، تجویز کے مطابق سردیوں میں بجلی کا استعمال بڑھانے کے لےءریٹس نسبتاًکم کئے جائیں گے۔ذرائع کے مطابق سردیوں میں بجلی کی طلب کم ہونے سے صارفین پر کیپسٹی پیمنٹ کا بوجھ بڑھ جاتا ہے، سردیوں میں بجلی کی طلب 10 ہزار میگاواٹ، گرمیوں میں 25 ہزار میگاواٹ ہوجاتی ہے، گرمیوں میں گیس کے کم ٹیرف متعارف کروا کر اس کے استعمال کو فروغ دیاجائے گا۔توانائی کے سیزنل ٹیرف متعارف کرانے کی حتمی منظوری وفاقی کابینہ سے لی جائے گی، کابینہ سے منظوری کے بعد توانائی کے سیزنل ٹیرف متعارف کرا دئیے جائیں گے۔