وزیرِ اعظم راضی کرنے پہنچے، مولانا فضل الرحمٰن کا ججز کی مدتِ ملازمت یا تعداد بڑھانے پر ساتھ دینے سے انکار

وزیرِ اعظم شہباز شریف نے جمعیت علمائے اسلام (جےیو آئی) ف کے سربراہ مولانا فضل الرحمٰن سے ملاقات کی ہے۔

ذرائع نے بتایا ہے کہ رات گئے وزیرِ اعظم شہباز شریف اپنی قانونی ٹیم کے ہمراہ مولانا فضل الرحمٰن کی رہائش گاہ پہنچے تھے۔

ذرائع کا کہنا ہے کہ وزیرِ اعظم شہباز شریف نے اس موقع پر آئینی ترامیم سے متعلق مولانا فضل الرحمٰن کو آگاہ کیا۔

قومی اسمبلی: آئینی ترامیم آج کے بجائے کل پیش کیے جانے کا امکان

آئینی ترامیم کا مجوزہ پیکیج آج کے بجائے کل اتوار کو قومی اسمبلی میں پیش کیے جانے کا امکان ہے۔

مولانا فضل الرحمٰن نے کہا کہ ہمارے پاس آئینی مسودہ آ جائے تو ہی سوچ بیچار کر سکتے ہیں، ججز کی مدتِ ملازمت یا تعداد بڑھانے پر ساتھ نہیں دیں گے۔

ذرائع کا کہنا ہے کہ وزیرِ اعظم شہباز شریف نے مولانا فضل الرحمٰن کو آئینی عدالتوں کے قیام اور ترامیم پر ساتھ دینے کا کہا۔