طیارے میں ویپ پھٹنے سے مسافر خوفزدہ ہوگئے

یونان سے لندن روانہ ہونے والی پرواز میں ویپ (ای-سگریٹ) پھٹنے سے طیارے میں خوف و ہراس پھیل گیا۔

برطانوی میڈیا کے مطابق یونان سے لندن کیلئے روانہ ہونے والی پرواز کے دوران ایک ڈرامائی واقعہ پیش آیا، جب ایک مسافر کے دستی سامان میں موجود ویپ دھماکے سے پھٹ گیا، جس کے باعث مسافر خوفزدہ ہوگئے۔

دوران پرواز ایئرہوسٹس 16 گھنٹے تک باتھ روم کا دروازہ پکڑے بیٹھی رہی

تصاویر میں دیکھا جاسکتا ہے کہ جہاز کا عملہ دروازے کو اپنی جگہ پر لگانے کی کوشش کررہا ہے۔

واقعے کے بعد مسافروں میں افواہ پھیل گئی کہ جہاز میں "بم" ہے، جس کی وجہ سے مزید خوف و ہراس پھیل گیا، تاہم تمام 236 مسافروں کو بحفاظت نکال لیا گیا۔

رپورٹ کے مطابق مسافروں کو فوری طور پر جہاز سے ایمرجنسی سلائیڈز کے ذریعے باہر نکالا گیا اور کسی بھی بڑے جانی نقصان سے بچا لیا گیا تاہم ایک مسافر کو سلائیڈ پر رگڑ کے زخم آئے ہیں۔ تحقیقات میں معلوم ہوا کہ آگ ایک پاور بینک اور ای-سگریٹ کی وجہ سے لگی تھی۔

جہاز میں بھاری بھرکم شخص کے بیٹھنے سے دیگر مسافر پریشان

ہیلسنکی سے کوپن ہیگن جانے والی پرواز کے دوران ایک بھاری بھرکم شخص کی تصویر سامنے آئی ہے، جس میں وہ سیٹ پر بیٹھنے کیلئے مشکلات کا سامنا کررہا ہے۔

خیال رہے کہ یہ واقعہ ایک یاد دہانی ہے کہ ویپ اور دیگر ٹیکنالوجی آلات جہاز میں آگ لگنے کا سبب بن سکتے ہیں، اس سے قبل جولائی میں ایک امریکی ایئرلائن کی پرواز کے دوران ایک مسافر کے لیپ ٹاپ میں آگ لگنے کا واقعہ بھی پیش آیا تھا، جس میں 3 مسافر زخمی ہوئے تھے۔