شازیہ منظور کی امریکا اور کینیڈا میں پزیرائی

شازیہ منظور کیساتھ دوران شو بدتمیزی کی ویڈیو وائرل، آخر ماجرہ کیا ہے؟

پاکستان میوزک انڈسٹری کی معروف گلوکارہ شازیہ منظور دوران شو اپنے ساتھ ہونے والی بدتمیزی پر پہلے شو چھوڑنے کی دھمکیاں دیں اور پھر کچھ ہی دیر بعد اسی شو ہنستے اور گاتے ہوئے دکھائی دیں، تو سوشل میڈیا صارفین نے بھی انہیں آڑے ہاتھوں لے لیا۔ حال ہی میں سوشل میڈیا پر وائرل ہونے والے کلپ میں دیکھاجاسکتا ہے کہ شازیہ منظور نے ایک نجی چینل کے مزاحیہ ٹاک شو میں بطور مہمان شرکت کی تاہم انہوں نے شو کو بیچ میں ہی چھوڑ دیا۔ وائرل کلپ دیکھا جاسکتا ہے کہ دوران شو میں شازیہ منظور میزبان اور شریک میزبان کے ساتھ باتیں کر رہی ہوتی ہیں کہ چودری بلند بخش نامی شخص کی شو میں انٹری ہوتی ہے جو مہمان گلوکارہ سے بےتکلیف ہونے کی کوشش کرتا ہے۔ چودری بلند بخش کی بے تکلیفی شازیہ منظور کو ایک آنکھ نہیں بھاتی اور غصے میں میزبان پر برس پڑتی ہیں اور شو چھوڑ کر جانے لگتی ہیں۔ گلوکارہ کی جانب سے شو چھوڑنے پر چودری بلند بخش سمیت میزبان اور شریک میزبان سب معافیاں مانگتے ہیں۔ تاہم اس وائرل کلپ کی حقیقت اُس وقت کھلتی ہے جب اگلے ہی لمحے شازیہ منظور ہنستے مسکراتے اپنا مشہور زمانہ گانا ' بتیااں بجھائی رکھ دی' گاتی ہوئی واپس آجاتی ہیں اور چودری بلند بخش سمیت میزبان اور شریک میزبان کے ساتھ ڈانس کرتی ہیں پھر چودری بلند بخش کو گلے لگا کر ماتھا چومتی اور گال پر ہلکا سا تھپڑ لگاتی ہیں۔ سوشل میڈیا صارفین اس وائرل کلپ کو دیکھنے کے بعد اس پبلک سیٹی اسٹیٹ پر گلوکارہ کو شدید تنقید کا نشانہ بنا رہے ہیں اور کہہ رہے ہیں کہ یہ لوگ سستی شہرت کے لئے کچھ بھی کرتے ہیں۔