راولپنڈی: 9 مئی کے مقدمات میں فردِ جرم عائد نہ ہو سکی

راولپنڈی کی انسدادِ دہشت گردی کی عدالت نے 9 مئی کے واقعے اور جی ایچ کیو حملہ کیس کی سماعت 19 اکتوبر تک ملتوی کر دی۔

علاوہ ازیں 9 مئی کے دیگر 13 مقدمات کی سماعت 4 نومبر تک ملتوی کر دی گئی۔

جی ایچ کیو حملہ کیس میں چالان کی نقول آئندہ سماعت پر پیش کیے جانے کا امکان ہے، کیس کے 14 مقدمات میں چالان کی نقول اور فردِ جرم عائد کرنے کی کارروائی تاحال نہیں ہو سکی ہے۔

توشہ خانہ کیس ٹو: پراسیکیوٹر مقرر کرنے کا وقت دینے کی استدعا مسترد

عدالت میں انہوں نے کہا کہ ایک توشہ خانہ کے دو مقدمات کیسے بن سکتے ہیں، دونوں مقدمات میں ملزمان بھی ایک جیسے ہیں۔

9 مئی کے ملزمان میں بانیٔ پی ٹی آئی، شاہ محمود قریشی، شیخ رشید، شبلی فراز، شیریں مزاری اور عمر ایوب سمیت 500 سے زائد ملزمان نامزد ہیں۔

دوسری جانب سابق وزیرِ داخلہ شیخ رشید نے آج عدالت میں پیش ہو کر حاضری لگوائی۔